شو بدّي خبركن ؟ هيدا رالف ملّاحي !!!

شو بدّي خبركن ؟ هيدا رالف ملّاحي !!!

المشاهير - بوب جعلوك 
بالعادة بموقع المشاهير منكتب باللغة النحوية .. بالعادة العالم لبتزور الموقع بتنتظر تشوف مقالات عن فنانين او ناس مشهورين بحبوهن .. بالعادة منجرّب نكون موضوعيين قد ما فينا .. اليوم انا شخصيا قررت كسّر كل الحواجز واكتب متل ما انا بدّي وكيف ما انا بدّي ... 
رالف ملّاحي شب بالعشرينات ولاد منطقتو بيحلفو فيه .. ادامي , قبضاي , مهذب , ابن بيت وابن كنيسة وبفوت بالحيط بيطلع منّو بخاف على اهل منطقته اكتر ما بخاف على اهل بيته, اصحاب رالف بيحكوا عنّو وبقولوا رجل المهمات الصعبة بفوج الاطفاء وما في ولا مهمة صعبة الّا ورالف بكون فيها .. رالف خلّص حياة كتير عالم , رالف طفّا نيران ببيوت كتير ورالف كان السبب بعيش كتير عالم...  هالشب الحلو قلال كتير يلّي كانوا بيعرفوه وقلال كتير يلي سامعين باسمه حتّى .. صار الانفجار ببيروت ورالف كان من اول العالم لوصلوا على المرفأ ليطفّي النار هو واصحابه.. رالف ما خاف ابدا وضلّو طاحش متل دايما ليخلّص حياة ناس ... فئة كبيرة من الناس تعرّفت على رالف من ورا الفايسبوك والاخبار وشافوا هالشب الحلو الطويل الاشقر لوجّو بشّع شعّ وكل الناس تعاطفت مع رالف وصاروا يصلّولوا. 
مبارح انا عملت لرالف فيديو وحطيتلوا غنيّة ناطرينك وانتشر الفيديو بسرعة البرق على الفايسبوك مش لان انا عامل الفيديو بس لان العالم حبّت رالف وشجاعة رالف وجمال رالف من دون ما يعرفوه حتّى.. بعد الضهر اجا الخبر !!! لاقوا رالف ميّت بين الضحايا! اول شي ومع احترامي للجميع !!!!!!! رالف شهيد ومش ضحيّة!!!!!!! رالف راح ليخلّص العالم لكانوا بالمرفأ ومش راح يتمشّى هونيك !!!! وقت وصلنا خبرو لرالف فتحت الفايسبوك لنزّل صورة لرالف واكتب عنّه لقيت حالي متاخر كتير! وكل العالم سابقيني! ايه سابقيني... ايه كل العالم حبّوا لرالف... ضلّيت ساعة فكّر اذا بتلفن لخيّو وعزّيه وضليت ساعة متردد!!! الشهيد بعيش يوم مماته وما بموت. رالف مبارح عاش ومبارح بلّشت حياته! بالليل نزلت على عين الرمانة وشو بدي خبركن ؟!؟! الشارع مسّكر كان !! اصحاب رالف وكترتن والعالم لبتحب رالف كانوا قاعدين بالشارع وجّن اسود وما بيتحاكوا!!! ايه هلقد العالم بتحبّوا لرالف. شفت دافو خيّو لرالف وطلّعت فيه وما عرفت شو بدي احكي وقول وقرّبت لعندو عبطّو وقلتلو يا دافو ما بعرف شو بدّي قلّك !!! اتنهد بحرقة وقلّي رالف صار حدّ بيّك فوق بالسما يا بوب واكيد رح ينتبهوا على بعض!!!!! 
رالف ملّاحي انت مثال الشب اللبناني وانت وج لبنان الحلو! 
انت استشهدت لنحنا نبقى
المسيح قام حقّا قام
المشاهير - بوب جعلوك 
بالعادة بموقع المشاهير منكتب باللغة النحوية .. بالعادة العالم لبتزور الموقع بتنتظر تشوف مقالات عن فنانين او ناس مشهورين بحبوهن .. بالعادة منجرّب نكون موضوعيين قد ما فينا .. اليوم انا شخصيا قررت كسّر كل الحواجز واكتب متل ما انا بدّي وكيف ما انا بدّي ... 
رالف ملّاحي شب بالعشرينات ولاد منطقتو بيحلفو فيه .. ادامي , قبضاي , مهذب , ابن بيت وابن كنيسة وبفوت بالحيط بيطلع منّو بخاف على اهل منطقته اكتر ما بخاف على اهل بيته, اصحاب رالف بيحكوا عنّو وبقولوا رجل المهمات الصعبة بفوج الاطفاء وما في ولا مهمة صعبة الّا ورالف بكون فيها .. رالف خلّص حياة كتير عالم , رالف طفّا نيران ببيوت كتير ورالف كان السبب بعيش كتير عالم...  هالشب الحلو قلال كتير يلّي كانوا بيعرفوه وقلال كتير يلي سامعين باسمه حتّى .. صار الانفجار ببيروت ورالف كان من اول العالم لوصلوا على المرفأ ليطفّي النار هو واصحابه.. رالف ما خاف ابدا وضلّو طاحش متل دايما ليخلّص حياة ناس ... فئة كبيرة من الناس تعرّفت على رالف من ورا الفايسبوك والاخبار وشافوا هالشب الحلو الطويل الاشقر لوجّو بشّع شعّ وكل الناس تعاطفت مع رالف وصاروا يصلّولوا. 
مبارح انا عملت لرالف فيديو وحطيتلوا غنيّة ناطرينك وانتشر الفيديو بسرعة البرق على الفايسبوك مش لان انا عامل الفيديو بس لان العالم حبّت رالف وشجاعة رالف وجمال رالف من دون ما يعرفوه حتّى.. بعد الضهر اجا الخبر !!! لاقوا رالف ميّت بين الضحايا! اول شي ومع احترامي للجميع !!!!!!! رالف شهيد ومش ضحيّة!!!!!!! رالف راح ليخلّص العالم لكانوا بالمرفأ ومش راح يتمشّى هونيك !!!! وقت وصلنا خبرو لرالف فتحت الفايسبوك لنزّل صورة لرالف واكتب عنّه لقيت حالي متاخر كتير! وكل العالم سابقيني! ايه سابقيني... ايه كل العالم حبّوا لرالف... ضلّيت ساعة فكّر اذا بتلفن لخيّو وعزّيه وضليت ساعة متردد!!! الشهيد بعيش يوم مماته وما بموت. رالف مبارح عاش ومبارح بلّشت حياته! بالليل نزلت على عين الرمانة وشو بدي خبركن ؟!؟! الشارع مسّكر كان !! اصحاب رالف وكترتن والعالم لبتحب رالف كانوا قاعدين بالشارع وجّن اسود وما بيتحاكوا!!! ايه هلقد العالم بتحبّوا لرالف. شفت دافو خيّو لرالف وطلّعت فيه وما عرفت شو بدي احكي وقول وقرّبت لعندو عبطّو وقلتلو يا دافو ما بعرف شو بدّي قلّك !!! اتنهد بحرقة وقلّي رالف صار حدّ بيّك فوق بالسما يا بوب واكيد رح ينتبهوا على بعض!!!!! 
رالف ملّاحي انت مثال الشب اللبناني وانت وج لبنان الحلو! 
انت استشهدت لنحنا نبقى
المسيح قام حقّا قام
أحدث أقدم

أحدث المشاركات

d